ಹೂವು ದುಂಬಿ ಬಂದವಿದುವೇ...

ಹೂವು ದುಂಬಿ ಬಂದವಿದುವೇ 

ಬಾಳಿಗೊಡವೆಯು

ಸ್ನೇಹಕೆಂದು ನೀವೇ ಸಿಂಧು

ಎಂದು ನಿಮ್ಮಂದ ಸಾರಿದೆ

ಬಿರಿದ ಹೂವು ಬಿಂದುವಾಗಿ ಜೇನಿನೊಡಲಲಿ

ಬಂದಿಯಾಯ್ತು ಮಧುವೆಂಬ ಮಮತೆಯಿಂದಲಿ

ದುಂಬಿ ಬಿಂದು ಬಂದಿಯಾಗಿ ಮಧುವು ಮೆರೆಯಿತು

ಮಕರಂದವಿದು ಮರೆಯಾಯ್ತು ಮಧುವಿನಂದದಿ.

ನಾಗನ ಪೂಜೆ

ನನ್ನಾಕೆಯ ಆಸೆಗೆ ನಾವಿಕನಾಗಿ
ಸಾಗಿತು ಪಯಣ ನಾಗನ ಪೂಜೆಗೆ

ಹುತ್ತದ ಸುತ್ತಲೂ ಹಣ್ಣಿನ ರಾಶಿ
ಹಾಲು ಹರಿದಿದೆ ಝರಿಯಾಗಿ
ಹೂವಿನ ಹಂದರದೊಳದೊಳಗೇ

ಮಮ್ಮಲ ಮರುಗಿದ ಮನಸು ಕೂಗಿತು
ಪೂಜೆಯನಂತರ ಆರತಿಯೆತ್ತಿ
ಕಂದಗೂ, ಕರುವಿಗೋ ಹಾಲುತುಪ್ಪ
ಹಣ್ಣು ಹಸಿದವಗೆ  ಹಂಚಬಹುದಿತ್ತು