ಭರವಸೆ, ಗ್ಯಾರಂಟಿ, ಪರಿಹಾರದ ಮೋಹವೆಲ್ಲಿ!!!

ಬಿಜೆಪಿ ಎಂದಿತು ಭರವಸೆ

ಕಾಂಗ್ರೆಸ್ ಎಂದಿತು ಗ್ಯಾರಂಟಿ 

ಜೆಡಿಎಸ್ ಎಂದಿತು ಪರಿಹಾರ

ಭರವಸೆ, ಗ್ಯಾರಂಟಿ, ಪರಿಹಾರ ಬದಿಗಿರಲಿ!!!

ಎಣಿಸಿದ್ದೀರಾ  ಸಮಾವೇಶಗಳಿಂದಾಗುವ 

ಅನಾನುಕೂಲ, ಟ್ರಾಫಿಕ್ ಕಿರಿಕಿರಿ, ವಾಯುಮಾಲಿನ್ಯ...

ಭರವಸೆ, ಗ್ಯಾರಂಟಿ, ಪರಿಹಾರದ ಮೋಹವೆಲ್ಲಿ!!!

ಬದಲಾವಣೆಯಾ ಭಾವನೆಯು ಇಲ್ಲದ ನಿಮ್ಮಿಂದ!!!

ಕ್ಷಮೆಇರಲಿ, ಸಮ್ಮತಿಯೂ ಇರಲಾರದು

ಪ್ರಜ್ಞಾವಂತ  ಮತದಾರನಿಂದ...

ಗೆಲ್ಲಲೊರಟ ಮನಕೆ

ಬಿದ್ದ ಬೀಜದ ಮೊಳಕೆ

ಹೊಸ ಜೀವಕ್ಕೆ ಒರತೆ

ಚಿಗುರೊಂದು ಹಸಿರಿಗೆ ನಾಂದಿ

ಬರಡಿರಲಿ ಬಿಸಿಲಿರಲಿ

ಬದುಕು ಹಸನಿರಲಿ

ಮೊಳಕೆ-ಚಿಗುರಗಳ ಕನಸುಗಳು ಮೇಳೈಸುತಿರಲಿ

ಗೆಲ್ಲಲೊರಟ ಮನಕೆ

ಬರ ಬಿಸಿಲು ತಂಪಾಗಿ

ಒಣ ಕೊರಡು ಚಿಗುರೊಡೆದು ಆಶಿಸುವುದು ಕಾಣ

ಮಹಿಳೆಯೆಂಬ ಮಹಾ ಮಹಿಮೆಗೆ

ಸೃಷ್ಟಿಯ ಸೆಲೆ ನೀನು
ಸ್ಪೂರ್ತಿಯ ಅಲೆ ನೀನು
ತ್ಯಾಗದ ನೆಲೆ ನೀನು
ಬರಡಾದ ಬದುಕ ಬೆಳೆಗುವ ಹಣತೆಯು ನೀನು

ತಾಯಿ-ತಂಗಿ, ಗೆಳತಿ-ಒಡತಿ
ನಿನ್ನದಪಾರ ರೂಪ
ಶಕ್ತಿ-ಸೃಷ್ಟಿ ನಿನ್ನೆರಡು ದೃಷ್ಟಿ
ಬೆಳಗುತಿರಲಿ ನಿನ್ನ ಬಾಳ ನೌಕೆ

ಮಹಿಳೆಯೆಂಬ ಮಹಾ ಮಹಿಮೆಗೆ, ಮಹಿಳಾ ದಿನಾಚರಣೆಯ ಶುಭಾಶಯಗಳು

ಸೋಲು - ಗೆಲುವು

ಸೋಲೊಂದು ಬಾಯಿಬಡುಕ

ಮುಗ್ಗರಿಸಿದೊಡನೆಯೇ 

ಮುನ್ನುಗ್ಗಿ ಮನೆ ಮಾತಾಗುತ್ತದೆ

ಗೆಲುವೊಂದು ಗೌಣ

ಬಚ್ಚಬಾಯಿಯ ಏಕಾಂಗಿ

ತನ್ನೊಡಲ ಎಣ್ಣೆಹೊಯ್ದು 

ಹಚ್ಚಿದ ದೀಪ 

ಹೆಚ್ಚೆಂದು ಹೇಳಲರಿಯದ ಎಳವ

ಸೋಲಿಗೆ ಸೊಲ್ಲೆತ್ತಿ 

ಸುಳ್ಳೇ ನುಡಿವ ಎಲೆ ಮನವೇ

ಗುದ್ದಾಡಿ ಗೆಲ್ಲುವ ಗೆಳೆಯರಿಗೆ

ಗದ್ಗದಿಸದೆ ಹರಸಿ ಆಸರೆಯಾಗಲಾರೆಯ???